деген сөзінен шыққан, дүниедегі құбылыстардың өзара байланысын, тәуелділігін анықтауға
байланысты философиялық ұғым. Осы мағынада себептілік детерминизмнің бір түрі болып табылады. Себептілік өздігінен табиғат пен қоғамдағы құбылыстардың өзара байланысының барлық түрлерін қамти алмайды. Мұндай түрлерге келесілер жатады:Уақыты бойынша байланыс – құбылысты немесе процессті «ертерек-кешірек» қағидасы бойынша сипаттайды. Мұндай байланыс алуан түрлі болып келеді. Орын алған факт (салдар) ретінде қылмыстық әрекеттің алдында бірқатар кезеңдер жүріп өтеді: ниеттің туындауы, қол сұғушылық объектін, қылмыс жасау құралдарын таңдау, қатысушылар арасында рольдерді бөлісу, қылмыстық әрекеттің басталу уақыты туралы шешім қабылдау.
Кеңістік бойынша байланыс – қылмыстылықтың территория бойынша, елдегі жекелеген аумақтардың әлеуметтік, географиялық, этнографиялық және өзге де ерекшеліктеріне қарай нақты қылмыс түрлерінің таралуын көрсетеді.
Жағдайлардың байланысы – бір жай-күйдің екіншісіне тәуелділігін көрсетеді. Криминологияда бұл қылмыстардың жекелеген түрлерінің (топтарының, санаттарының) жай-күйінің өзгеруі бүкіл қылмыстылық жай-күйі мен құрылымының өзгеруіне алып келетіндігімен көрінеді.
Корреляция – факторлардың белгілі бір топтарының өсуіне немесе төмендеуіне қарай өзгерістерге ұшырауы басқа факторлар топтарының өзгерістеріне алып келеді. Коррреляция саны тығыздық көрсеткішімен белгіленеді (0-ден 1-ге дейін)
